Ustozlarimizning ishtiroki e’tirof etildi
Alisher Navoiy nomidagi Toshkent davlat o‘zbek tili va adabiyoti universiteti “O‘zbek tilshunosligi” kafedrasi o‘qituvchisi Kenjayeva Dildora va erkin tadqiqotchisi Rahmonova Marjona Mudofaa vazirligi tasarrufidagi Havo hujumidan mudofaa qo‘shinlari va Harbiy havo kuchlari qo‘mondonligida o‘tkazilgan “Zahiriddin Muhammad Bobur izidan” nomli tanlovning I bosqichida ishtirok etib, o‘z bilim va tajribalari bilan tadbir muvaffaqiyatiga katta hissa qo‘shdilar.
Ular tanlov savollarini tuzishda amaliy yordam berib, hay’at a’zosi sifatida qatnashdilar va uning yuqori saviyada, adolatli hamda shaffof o‘tishini ta’minlashga o‘zining professional ko‘magi bilan e’tiborga sazovor bo‘ldilar.
Ushbu sa’y-harakatlari uchun ustozlarimizning ishtiroki alohida e’tirof etilib, ularga samimiy minnatdorchilik bildiriladi. Ularning ilmiy yondashuvlari tanlovni yuqori darajada tashkil etishda muhim o‘rin tutdi.
