Ekofaol talabalar

Alisher Navoiy nomidagi Toshkent davlat o‘zbek tili va adabiyoti universiteti atrof-muhitni muhofaza qilish, ekologik barqarorlikni ta’minlash va yashil turmush tarzini targ‘ib etish borasida izchil tashabbuslarni amalga oshirib kelmoqda. Universitetda faoliyat yuritayotgan “Ekofaol talabalar” harakati yoshlar o‘rtasida ekologik madaniyatni shakllantirish, ekologik savodxonlikni oshirish va ekologik mas’uliyatni mustahkamlashga qaratilgan tizimli loyihalar va tadbirlarni muntazam ravishda o‘tkazib kelmoqda. Bugungi kunda mazkur harakat universitetning ekologik siyosatida muhim o‘rin tutmoqda.

UI GreenMetric jahon universitetlari reytingining 2026-yil natijalari e’lon qilindi!

Alisher Navoiy nomidagi Toshkent davlat o‘zbek tili va adabiyoti universiteti mazkur xalqaro reytingda o‘z natijasini yana yaxshiladi.

2022-yilda ToshDO‘TAU ushbu reytingda ilk bor ishtirok etib 507-o‘rinni, 2023-yilda 376-o‘rinni, 2024-yilda 347-o‘rinni, 2025-yilda esa 335-o‘rinni egallagan edi.

2026-yil natijalariga ko‘ra, universitetimiz jahon reytingida 314-o‘rinni qayd etdi. Bu o‘tgan yilgi natijaga nisbatan 21 pog‘onaga yuqorilash demakdir.

Mazkur natija bilan ToshDO‘TAU O‘zbekiston oliy ta’lim muassasalari orasida 2-o‘rinni egalladi.

Shuningdek, universitetimiz Markaziy Osiyo mintaqasidagi oliy ta’lim muassasalari orasida 8-o‘rinni qayd etdi.

Universitetimizning umumiy natijasi 7762,5 ballni tashkil etdi.

UI GreenMetric reytingida universitetlarning barqaror rivojlanish va ekologik mas’uliyat borasidagi faoliyati asosiy mezonlar asosida baholanadi:

Infratuzilma va kampus muhiti
Energiya samaradorligi va iqlim o‘zgarishi
Chiqindilarni boshqarish
Suv resurslaridan foydalanish
Transport tizimi
Ta’lim va tadqiqot
Boshqaruv va raqamlashtirish

ToshDO‘TAUning 2022-yildagi 507-o‘rindan 2026-yilda 314-o‘ringa ko‘tarilgani universitetda ekologik barqarorlik, zamonaviy infratuzilma, yashil kampus, ta’lim va tadqiqot hamda samarali boshqaruv yo‘nalishlarida olib borilayotgan izchil ishlarning xalqaro reytingdagi natijasidir.

UI GreenMetric 2026 reytingida dunyoning 110 mamlakatidan 2016 ta oliy ta’lim muassasasi ishtirok etdi.
Eslatib o‘tamiz, mazkur natijalar bilan universitetimiz mahalliy oliy ta’lim muassasalari orasida 3-o‘rinni egalladi. Bu, shubhasiz, jamoamizning birgalikdagi mehnati, qat’iyati va ekologik barqaror taraqqiyot tamoyillariga sodiqligining yaqqol ifodasidir.

Hashar — elga yarashar

Ekologik madaniyat sog'lom hayot garovi

"Oʻzbekiston-Ozarbayjon: Yoshlar Ipak yoʻli iqlim forumi" oʻtkazildi

“Ziyolilar bogʻi” barpo etildi