“Ustozlar milliy forumi" boʻlib oʻtdi
Maktabgacha va maktab ta’limi vazirligi tomonidan tashkil etilgan an’anaviy III “Ustozlar Milliy forumi" Toshkent viloyatidagi “Renessans” bolalar oromgohida oʻtkazildi.
Yangi o’quv yili oldidan ilg’or metodikalar va sohadagi yangiliklarni o’qituvchilarga yetkazish maqsadida har yili o’tkaziladigan ushbu tadbirda Alisher Navoiy nomidagi Toshkent davlat o'zbek tili va adabiyoti universiteti Ona tili ta'limi kafedrasi dotsenti Klaraxon Mavlonova "5-sinf ona tili fanidan yangi o'quv-uslubiy majmua va uni samarali tatbiq etish" hamda "Ona tili fanini o'qitishda tadqiqotchilik va loyihaga asoslangan ta'lim" mavzularida hududlardan kelgan o'qituvchilarga mahorat darslari oʻtkazdi.
Mahorat darslari umumta’lim fanlari, maktabgacha ta’lim, ma’naviyat kabi yo’nalishlarni qamrab olgan.
