Universitetimiz professor-oʻqituvchilaridan mahorat darslari
Mahallalarda yoshlar bilan ishlash masalalarini muvofiqlashtirish bo'yicha Respublika komissiyasi tavsiyasiga asosan Olmazor tumanidagi umumiy o'rta ta'lim maktablariga uslubiy ko'mak berish maqsadida Alisher Navoiy nomidagi Toshkent davlat o'zbek tili va adabiyoti universitetiga Olmazor tumanidagi 46-umumta'lim maktabi biriktirildi. Bugun universitetimiz jamoasi mazkur maktabda boʻlib, bir nechta mahorat darslari oʻtishdi.
O'zbek tili va adabiyoti ta'limi kafedrasi o'qituvchilari S. Kuldasheva 8-sinf o'quvchilariga, S.Inomjonova 5-sinf o'quvchilariga mahorat darslarini tashkil etishdi. Xususan, S.Kuldasheva 8-sinf o'quvchilariga "Esse qanday yoziladi?" mavzusida, S.Inomjonova 5-sinf o'quvchilariga "Xalq qo'shiqlari" mavzusida mahorat darsi olib bordilar.
Kun yakunida ToshDOʻTAU vakillari mazkur maktabning Ona tili va adabiyot o'qituvchilari bilan amalga oshiriladigan ishlar rejasini tuzishdi.
