Universitetimiz o'qituvchisi "Yosh kitobxon oila" ko'rik-tanlovi g'olibi
Xabaringiz bor, Yoshlar ishlari agentligi tashabbusi hamda Mahalla va oilani qo‘llab-quvvatlash vazirligi, Respublika Ma’naviyat va ma’rifat markazi, O‘zbekiston Yozuvchilar uyushmasi kabi hamkor tashkilotlar bilan birgalikda mamlakatimizda ilk marotaba “Yosh kitobxon oila” tanlovi tashkil etildi.
Alisher Navoiy nomidagi Toshkent davlat o'zbek tili va adabiyoti universiteti O'zbek tili va adabiyotini o'qitish fakultetining ilmli va tirishqoq ustozlaridan biri Mamiraliyev Quvonchbek yosh oilalarni qo‘llab-quvvatlash, ularning ma’naviy-intellektual salohiyati va dunyoqarashini yuksaltirish, kitobxonlikni keng targ‘ib qilish maqsadida e’lon qilingan “Yosh kitobxon oila” tanlovining viloyat bosqichida oliy oʻrinni egalladi va tanlovning respublika bosqichiga yoʻllanmani qoʻlga kiritdi. Ustozimizga tanlovning keyingi bosqichida muvaffaqiyatlar tilaymiz!
Ma’lumot uchun, tanlovning yakuniy bosqichida g‘oliblikka erishgan yosh oila Prezidenti sovg‘asi – “Spark” avtomobiliga sazovor bo‘ladi. Ikkinchi va uchinchi o‘rinni egallagan oilalar ham qimmatbaho sovg‘alar bilan taqdirlanadi.