Universitetda «Karyera kuni» tadbiri tashkil etildi
2024/2025 o‘quv yili yakunida Alisher Navoiy nomidagi Toshkent davlat o'zbek tili va adabiyoti universitetini 1613 nafar talaba-yoshlar bitirishi kutilmoqda. Bitiruvchilarni mehnat bozoriga muvaffaqiyatli integratsiya qilish, ularning bandligini ta’minlash maqsadida bugun universitetda «Karyera kuni» mehnat yarmarkasi tashkil etildi.
Mazkur anjumanda Respublikamizdagi turli sohalarni qamrab olgan 30 dan ortiq nufuzli tashkilot va korxonalar o‘zlarining mavjud bo‘sh ish o‘rinlari bilan ishtirok etishdi.
Tadbir doirasida bitiruvchi talabalar va ish beruvchi tashkilotlar vakillari o‘rtasida yuzma-yuz muloqotlar olib borildi, ishga joylashish masalalarida maslahatlar berildi, shuningdek, bir qator talaba-yoshlar bilan mehnat shartnomalari ham imzolandi.
«Karyera kuni» – bu nafaqat ishga joylashish imkoniyati, balki talabalarga o‘z malaka va ko‘nikmalarini ish beruvchilarga namoyish etish, kelajakdagi faoliyat yo‘nalishini belgilashda muhim qadamlardan biridir.
