Tyutorlar uchun seminar tashkil etildi
Maʼlumki, bugungi kunda barcha oliy taʼlim muassasalarida oliy taʻlim jarayonlarini boshqarish (HEMIS) axborot tizimi orqali amalga oshirish mexanizmi yoʻlga qoʻyilgan. Toshkent davlat oʻzbek tili va adabiyoti universitetida tyutorlik bilan bogʻliq hujjatlarni tahlil qilishning elektron tizimini amalda joriy etish jarayonlari boshlab yuborilgan. Bugun, 22-yanvar kuni universitet tyutorlari uchun HEMIS axborot tizimida shaxsiy sahifasini yaratish hamda axborot tizimidan mustaqil foydalanishni oʻzlashtirish kabi mavzularni qamrab olgan seminar-trening tashkil etildi. Seminar treningda HEMIS axborot tizimi bilan ishlash, talabalarni darslardagi ishtirokini kuzatish imkoniyatlari oʻrganildi. Treningda yoshlar bilan ishlash, maʼnaviy-maʼrifiy ishlar boʻlimi boshligʻi A. Ikromov ham tyutorlarning umumiy faoliyatiga toʻxtalib oʻtdi. A. Ikromov kelgusidagi faoliyat elektron tizimda olib borilishini qogʻozbozlikka oʻrin qolmasligini qayta-qayta taʼkidladi.
