Ta'limiy hamkorlik-taraqqiyot garovi
Alisher Navoiy nomidagi Toshkent davlat o‘zbek tili va adabiyoti universitetining bir guruh talabalari Turkiyaning Bosfor universitetida ta'lim olishdi va tajriba o‘tashdi.
Bu safar tafsilotlari bilan sizni boxabar qilib bormoqdamiz.
Mana nihoyat talabalarimizning 10 kunlik akademik almashinuv muddatlari o‘z nihoyasiga yetdi. O‘tgan o‘n kun ular uchun ko‘plab iliq taassurotlarga boy bo‘lgani shubhasiz.
Ular dunyoning eng nufuzli universitetida ta'lim jarayonlari qanday olib borilishi, xalqaro toifadagi mutaxassislarning ma'ruzalari qay yo‘sinda o‘tishi, xorijlik talabalarning hayoti bilan bevosita tanishdilar, ular orasida bo‘ldilar. Bir vaqtning o‘zida talabalarimiz o‘zbek madaniyati va adabiyoti targ‘ibotchilari sifatida o‘zbek urf-odatlari, san'at namunalarini ko‘rsatib berishdi.
Talabalarimizni kuzatish marosimida Bosfor universiteti Bosh kotibiyatidagi ma'muriy xodimi, tabiiy ofatlar va favqulodda vaziyatlar bo'limi menejeri Muhammet Ali Demir, universitet xodimlari Sima Demir, Aydin Yilmaz xonim ishtirok etishdi. Ular ToshDO‘TAU talabalarining salohiyati va madaniyatini yuqori baholashdi. O‘tgan akademik almashinuv bu boradagi hamkorlikning ijobiy boshlanishi bo‘lib, bu ezgu tashabbus hali uzoq davom etishini ta'kidladilar. 