Talabalar diqqatiga
Oʻzbekiston Respublikasi Vazirlar Mahkamasining 2023-yil 19-maydagi “Mirzo Ulugʻbek vorislari tayyorlov oʻquv kurslarini tashkil etish chora-tadbirlari toʻgʻrisida”gi 206-son qarori ijrosini ta’minlash maqsadida Iste’dodli yoshlarni qoʻllab-quvvatlash “Ulugʻbek” jamgʻarmasi, Oliy ta’lim fan va innovatsiyalar vazirligi, Raqamli texnologiyalar vazirligi hamda Toshkent shahridagi Inha universiteti 2024/2025-o‘quv yili uchun “Mirzo Ulugʻbek vorislari” – “Data science” oʻquv kursiga tanlov asosida qabul e’lon qiladi.
Kursning afzalliklari: O‘quv kurslariga saralash bosqichlarida g‘olib deb topilgan talabalar zamonaviy kasblarni egallash imkoniyatini qo‘lga kiritadi, va asosiysi, bazaviy hisoblash miqdorining to‘rt baravari miqdorida har oyda bir marotaba rag‘batlantiriladi hamda zamonaviy noutbuk egasi bo‘ladilar.
Eslatma: Mazkur o‘quv kursida universitet bakalavriat bosqichining 2-kursini tamomlab, 3-kursga o‘tgan, akademik qarzdorligi bo‘lmagan talabalar ishtirok etishlari mumkin.
O‘quv kursiga ro‘yxatdan o‘tish joriy yilning 5-avgustiga qadar https://dscience.uz/ platformasi orqali amalga oshiriladi. Platformadan ro‘yxatdan o‘tgan talabalardan @sardor1563 telegram manziliga murojaat qilishlari so‘raladi.