Nazar Eshonqul tavalludining 60 yilligiga bag’ishlangan anjuman
2022-yilning 14- iyun kuni Toshkent davlat oʻzbek tili va adabiyoti universitetida taniqli yozuvchi Nazar Eshonqul tavalludining 60 yilligiga bag’ishlangan anjuman bo’lib o’tdi.
Anjuman Oʻz FA Oʻzbek tili, adabiyoti va folklor instituti, Toshkent davlat oʻzbek tili va adabiyoti universiteti, Qoʻqon davlat pedagogika universiteti, Qarshi davlat pedagogika universiteti, Oʻzbekiston Yozuvchilar uyushmasi bilan hamkorlikda “Hozirgi adabiy jarayon masalalari” mavzusida tashkil etildi.
Konferensiyada universitet Yoshlar masalalari va maʼnaviy-maʼrifiy ishlar boʻyicha birinchi prorektori B.Xoliqov ham soʻzga chiqdi va universitet rektori nomidan yozuvchini tabriklab, esdalik sovgʻasi topshirdi.
Ilmiy-nazariy anjumanda yetuk olimlar, taniqli shoir va yozuvchilar, adabiyotshunoslar ishtirok etdi.
I.Haqqul, I.Gʻofurov, Gʻ.Majid, D.Toʻrayev, A.Ulug'ov kabi yetuk adabiyot vakillari tomonidan oʻzbek nasriga, ayniqsa, hikoyachiligiga yangi ovoz, yangi ruh olib kirgan ijodkor - Nazar Eshonqul va uning ijodi haqida oʻz fikr-mulohazalarini bildirildi.
