Koreyalik koʻngillilar uchun oʻzbek tili kurslari yakunlandi
Avval xabar berganimizdek, universitetimiz huzuridagi xorijliklarga oʻzbek tilini oʻrgatuvchi “Oʻzbek maktabi”da Koreya xalqaro hamkorlik agentligining (KOICA) bir guruh koʻngillari oʻzbek tilini oʻrganishdi. Qisqa muddatli tezkor dastur yordamida 8 nafar koreyalik talaba bir oy ichida oʻzbek tilini A1 darajada oʻrganishga muvaffaq boʻldilar.
Ular tegishli imtihonlardan oʻtgach, maxsus sertifikatlar berildi. Joriy yilning 7-avgust kuni koreyalik koʻngillilar uchun tantanali xayrlashuv marosimi tashkil etildi. Marosimda KOICA bosh direktori So Vansu, “Oʻzbek maktabi” ma’muriyati va ustozlari, shuningdek koʻplab mehmonlar ishtirok etishdi. Bir oy davomida koʻngillilarga oʻzbek tili bilan birga oʻzbek madaniyati va an’analari ham oʻrgatildi. Endilikda bitiruvchilarimiz Oʻzbekistonning Samarqand, Fargʻona va boshqa viloyatlarida faoliyat olib boradilar.
