Global ta’lim imkoniyatlari muhokama qilindi
Alisher Navoiy nomidagi ToshDO‘TAUda Barqaror rivojlanish maqsadlari doirasida navbatdagi ochiq muloqot bo‘lib o‘tdi. Ushbu tadbir xalqaro ta’lim imkoniyatlariga qiziquvchi talabalar va professor-o‘qituvchilar uchun muhim axborot maydoniga aylandi.
Muloqotning asosiy mavzusi – Erasmus Mundus qo‘shma magistratura (EMJM) dasturi imkoniyatlari bo‘ldi. Spiker, O‘zbekistondagi Milliy Erasmus+ ofisi loyiha menejeri Makhmudjon Utkurov, ushbu nufuzli dastur haqida batafsil ma’lumot berib, uning tuzilishi, afzalliklari, moliyaviy qo‘llab-quvvatlash imkoniyatlari va ariza topshirish jarayoni haqida tushuntirish berdi.
Tadbir davomida ishtirokchilar EMJM dasturining global ta’lim tizimidagi o‘rni, xalqaro tajriba orttirish imkoniyatlari hamda ushbu dastur orqali dunyoning yetakchi universitetlarida o‘qish imkoniyati haqida qimmatli ma’lumotlarga ega bo‘lishdi. Talabalar o‘zlarini qiziqtirgan savollarga batafsil javob olishdi va o‘z akademik kelajaklari uchun yangi imkoniyatlar eshigini ochishdi.
Onlayn va oflayn formatda tashkil etilgan tadbir xalqaro grant dasturlariga qiziqqan barcha uchun katta ahamiyat kasb etdi. Shuningdek, tadbirni kuzata olmaganlar yoki qayta ko‘rishni istaganlar uchun jonli efir ushbu havola orqali taqdim etildi: Havolaga o'tish
