Diqqat e'lon
Xabaringiz bor, Prezidentning 2022-yil 20-oktabrdagi [PQ-407-son] qarori bilan «O‘zbek imo-ishora tili va Brayl alifbosini rivojlantirish bo‘yicha qo‘shimcha chora-tadbirlari to‘g‘risida»gi qarori qabul qilingan.
2023-yil 1-yanvardan boshlab davlat telekanallarida haftalik efir vaqtining kamida besh foiz hajmidagi ko‘rsatuvlar surdotarjima, yashirin subtitrlar yoki «yuguruvchi satrlar» bilan namoyish etiladi.
2024/2025-o‘quv yilidan boshlab kar va zaif eshituvchi bolalar uchun ixtisoslashtirilgan ta’lim muassasalarining o‘qituvchi lavozimiga faqat dars o‘tiladigan imo-ishora tilini biladigan pedagog kadrlar ishga qabul qilinadi.
2023-yildan boshlab har yili sentabr oyida «Imo-ishora tili bo‘yicha eng yaxshi tarjimon» tanlovi o‘tkaziladi va tanlov g‘oliblari quyidagicha tartibda pul mukofotlari bilan rag‘batlantiriladi:
- 1-o‘rin uchun — BHMning 100 baravari;
- 2-o‘rin uchun — BHMning 65 baravari;
- 3-o‘rin uchun — BHMning 50 baravari.
Alisher Navoiy nomidagi Toshkent davlat o‘zbek tili va adabiyoti universiteti rahbariyati imo-ishora tiliga talab yuqoriligini inobatga olib, talabalar uchun surdotarjimonlik o‘quv laboratoriyasi tashkil etilmoqda. Laboratoriya rahbari karlar jamiyati faoli Mamurjon Axlidinov. Siz imo-ishorani haqiqiy eshitishida nogironligi bo‘lgan insoning o‘zidan o‘rganasiz!
Maxsus o‘quv kurslarida nogironligi bor shaxslar hamda ushbu toifadagi voyaga yetmagan bolalarning ota-onalari yoki ularning o‘rnini bosuvchi shaxslar, shuningdek universitet talabalari – bepul.
Kurslar boshlang‘ich bo‘lib, 5 oy davom etadi (sentabr oyidan yanvar oyigacha, haftada 3 marta, ikki soatdan). Kurslar yakunida tinglovchilarga sertifikat beriladi.
Kurslarga yozilish va batafsil ma’lumot olish uchun @akhlidinov ga murojaat qiling.
Manzil: Alisher Navoiy nomidagi Toshkent davlat o‘zbek tili va adabiyoti universiteti