Bolalar adabiyoti vakillari bilan uchrashuv
Alisher Navoiy nomidagi Toshkent davlat o‘zbek tili va adabiyoti universiteti O‘zbek tili ta’limi fakultetida 2023-yilning 13- oktabrida o‘zbek bolalar adabiyoti vakillari va talabalarning ijodiy uchrashuv bo‘lib o‘tdi. Unda Jurnalistika sohasida “Oltin Qalam” Milliy mukofoti sovrindori, O‘zbekiston Yozuvchilar uyushmasi bolalar va o‘smirlar kengashi a’zosi, 2-darajali Sog‘lom avlod uchun ordeni sohibi Dilshod Rajabov hamda Turon fanlar akademiyasining faxriy akademigi, prozaik Shukrullo Abdullayev, bolalar shoiri Xudoyberdi Komilovlar ishtirok etdilar. Ijodkorlar o‘zlarining yangi asarlari bilan talabalarni tanishtirib, talabalarga kitoblarini sovg‘a qilishdi. Bolalar yozuvchilari talabalarning ko‘plab savollarga javob berdilar.
Albatta, bolalar adabiyoti o‘quvchi dunyoqarashining rivojlanishiga, tasavvur olamining shakllanishiga katta xizmat qiladi. Ushbu ijodkorlarning asarlari o‘rta ta’lim maktabi darsliklariga va to‘plamlarga kiritilgan. Ushbu uchrashuvda talabalar ijodkorlarning she’rlaridan namunalar o‘qib berdilar. Ijodiy uchrashuv juda qiziqarli o‘tdi.
