Bitiruvchilar amaliyotga kuzatildi
Alisher Navoiy nomidagi Toshkent davlat o‘zbek tili va adabiyoti universitetida 2025- yil 28-yanvar kuni O‘zbek tili va adabiyoti va O‘zga tilli guruhlarda o‘zbek tili ta’lim yo‘nalishlari 4-kurs talabalarining pedagogik amaliyotini tashkil qilish bo‘yicha anjuman o‘tkazildi.
Anjumanni Kirish so‘zi bilan Toshkent davlat o‘zbek tili va adabiyoti universiteti Ta’lim sifatini nazorat qilish bo‘limi boshlig‘i O.M.Sunnatov ochib berdi. O‘zbek tili va adabiyoti ta’limi kafedrasi mudiri prof.S.Muhamedova, Toshkent davlat o‘zbek tili va adabiyoti universiteti registrator ofisi mutaxassisi N.Norqulov, Toshkent davlat o‘zbek tili va adabiyoti universiteti Talabalar amaliyotini tashkil etish bo‘limi mutaxassisi Xayrullo Rajabovlar Pedagogik amaliyotni tashkil qilish tartibi, muhim shartlar va qonun-qoidalar haqida batavsil ma’lumot berishdi. Shunga ko‘ra anjumanda bitiruvchi talabalar nafaqat pedagogik amaliyot, balki qishki sessiya natijalari va bo‘lajak yakuniy davlat atttestatsiyalari bo‘yicha ham yangi ma’lumotlarni olishdi.
O‘zbek tili va adabiyoti ta’limi kafedrasi dotsenti p.f.b.f.d. (PhD), dots.O.Turaqulova va O‘zbek tili va adabiyoti ta’limi kafedrasi katta o‘qit. p.f.b.f.d. (PhD) S.Kuldasheva Pedagogik amaliyot yakunida topshirish zarur bo‘lgan hujjatlar xususida maxsus taqdimot qilib, hujjatlardan namunalar ko‘rsatishdi.
Anjuman oxirida savol-javoblar bo‘lib o‘tdi va bitiruvchi kurs talabalari o‘zlari qiziqtirgan savollarga to‘liq javoblarni olishdi.
