Talabalar turar joyida viktorina
Talabalar turar joyida Oʻzbek tili va adabiyotini oʻqitish fakulteti 2-kurs talabalari hamda Tarjima nazariyasi va amaliyoti fakulteti 1-kurs talabalari oʻrtasida buyuk mutafakkir Alisher Navoiyning 581 yilligiga bagʻishlab “Nazm sultoni” viktorinasi oʻtkazildi. Tadbirni Yoshlar masalalari va ma’naviyat ishlari boʻyicha boʻlim boshligʻi A.Ikromov ochib berdi. Viktorinada talabalar oʻzaro savol-javob hamda gʻazal aytish boʻyicha bahslashdilar. Bahs qizgʻin tus oldi. Talabalarning biri-qoʻyib biri gʻazal aytishda juda mahoratli ekanini namoyon etishdi. Viktorina yakunida Tarjima nazariyasi va amaliyoti fakulteti zamdekani Sh.Xalilov talabalarning barchasini kitoblar bilan taqdirladi. Viktorina tyutorlar Nafisa Razzakova va Asqar Hazratov boshchiligida oʻtkazildi.
